Berisha në arrest shtëpie, policia kontrollon shtëpinë, nëse po zbaton masën

Pjesë e grupit të kontrollit ka qenë edhe Erion Ismaili, drejtori i krimit ekonomik në Tiranë.

 

Oficerët kanë qëndruar jo më shumë se 7 minuta në banesën e Berishës, pasi Prokuroria e Posaçme ua ka lënë detyrë policëve që të trokasin në derën e Berishës dhe verifikojnë nëse është aty apo jo.

 

Pas këtij kontrolli, oficerët e policisë do të përgatitni një raport për SPAK-un, ku pritet të përfshijnë fjalimet e Berishës nga dritarja, në shkelje të vendimit të gjykatës.

 

Që prej 30 dhjetorit, Sali Berisha është i mbyllur në shtëpi me masën “Arrest në burg”, por nuk kanë munguar komunikimet me mbështetësit, ndryshe nga se e parashikon ligji.

 

“Pse kjo luftë kundër demokratëve? Një përgjigje do merrni kudo: fajin e ka Saliu. Por përgjigjen e vërtetë e di çdo shqiptar. Faji i Sali Berishës është se ndërhyri për të shpëtuar opozitën e Shqipërisë kur ajo u kap peng nga Edi Rama. Faji i Sali Berishës është se ndërhyri kur të tjerët donin t’i caktonin asaj kryetarin dhe u tha jo, kreu i PD do përcaktohet përjetë vetëm nga shqiptarët, nga demokratët. Faji i Saliut ishte se denoncoi çdo ditë aferat e shekullit, inceneratorët, sterilizatorët, vjedhjet në Portin e Durrësit, lidhjet e tmerrshme të Edi Ramës dhe qeveritarët me bandat, me trafikantët e drogës.”, u shpreh ndër të tjera në fjalën e tij Sali Berisha.

 

Qindra prej tyre mblidhen çdo natë poshtë shtëpisë së liderit demokrat, ndërsa pala mbrojtëse ka ankimuar masën arrest shtëpie, duke kërkuar detyrim paraqitjeje në gjendje të lirë.