Ëndërat dimërore në Ligën e Kampionëve

Gara më prestigjioze e futbollit për klube, Liga e Kampionëve është në pushim dimëror. Duke  pasur parasysh se kemi akoma reth 2 muaj deri në ndeshjet e radhës, është koha ideale që të  bërë një retrospektiv të vogël të paraqitjes  skuadrave të mëdha evropiane  në ndeshjet e sezonit vjeshtor.

 

Dështimi i anglezëve dhe gëzimi i skuadrave më të vogla

Nga katër skuadrat angleze, vetëm kampioni aktual Manchester City dhe Arsenali kanë kaluar në 1/8 e finales, ndërsa Manchester United dhe Neëcastle mbanin pozitat e fundit në grupet e tyre.

Për Newcastle, kjo edhe nuk mund të jetë befasi pasi  ishte  në grupin e vdekjes “F” me Borussia Dortmund, PSG dhe Milano, megjithatë United shumë ka dëshpëruar tifozët e vet.

“Djajtë e kuq”, në grupin “A” me  Bayern Munich, Kopenhag dhe Galatasaray,ia dolën të fitojnë vetëm 4 pikë. Ato I fituan duke luajtur 1:0 me danezët dhe 3:3 me kampionin aktual turk. 

Në 11 vitet e fundit ky është dështimi më I madh I skuadrave angleze dhe hera e parë që dy skuadra të tyre kanë përfunduar në pozitat e fundit të grupeve të tyre eliminatore. Para kësaj  vetëm në tre sezone skuadrat angleze kanë qenë në fund të renditjes së grupeve – Blackburn (1995), Manchester United (2005) dhe Manchester City (2012).

Nga ana tjetër Kopenhageni, po shkruan histori.  Pas sezonit 2010/2011, kjo është vetëm hera e dytë që po kalon fazën e garave në grupe.

Në grupin B, pas Arsenal-it, ishte renditur PSV-ja. Skuadër kjo për të cilat sukseset evropiane nuk janë të panjohura (Kupa  e UEFA-së 1977/1978.

Liga e kampionëve në formatin e vjetër 1987/1988.), por një kohë të gjatë i mungojnë rezultatet në arenën evropiane.

 

Dominimi spanjoll

Spanja në fazën e garave në grupe të këtij sezoni u fut me pesë skuadra –  katër të parat nga La Liga si dhe Sevilla, si fituese e Ligës së Europës.  Kjo ishte edhe skuadra e vetme e cila në këtë sezonë nuk luajti në nivel të lartë dhe garat i përfundoi në pozitën e fundit të grupit të saj.

Real Madrid, Real Sociedad, Atletico Madrid dhe Barcelona, fazën e garave në grupe e përfunduan në pozitat e para, ndërsa dy skuadrat nga kryeqendra si dhe Sociedad, nuk humbën asnjë ndeshje.

Paraqitje të shkëlqyeshme kishte Sociedad, skuadër kjo që në 10 vitet e fundit nuk kishte luajtur në Ligën e Kampionëve. Në 6 ndeshje Sosiedad,  në përballjet me Inter, Benfica dhe RB Salzburg pranoi vetëm 2 gola

 

Grupi i vdekjes arsyetoi epitetin

Tani më kemi cekur se Neëcastle, garat i përfundoi në pozitën e fundit të grupit, megjithatë gara  në këtë grup deri në fund ishte interesante.

Në xhiron e fundit anglezët avansonin përballë Milano-s, por skuadra italiane përmbysi rezultatin dhe në fund triumfoi me 2:1.

Në kohë të njëjtë në terrenet tjera PSG  në përballjen me Borussia Dortmund, ishte në siklet (1:1), por ia dolën të fitojnë pikën vendimtare  dhe si skuadra e dytë në grup pushim dimërorë po e kalojnë si një nga tetë skuadrat më të mira në kontinentin e vjetër. Milani do të luajë në Liga Europa.

 

Individët më të mirë

Në renditjen e golashënuesve më të mirë kemi një situatë të paqartë – plotë katër futbollist (Højlund, Manchester United; Griezmann, Atletico Madrid; Morata, Atletico Madrid; Haaland, Manchester City), me nga 5 gola të shënuar e ndajnë pozitën e parë. Pas tyre janë plotë 8 futbollist që kanë shënuar nga 4 gola.

Një nga futbollistët që ka 4 gola është edhe kryesuesi i renditjes së asistuesve më të mirë  Galeno i Portos,që ka po aq asistime.

 

Shikimi në të ardhmen

Më 18 dhjetor u hodh shorti i çifteve për fazën e 1/16-tës. Shumë  nga skuadrat për kundërshtarë dëshironin danezët, por goglat buzëqeshën Haaland dhe kampionët në fuqi Manchester City.

Këto janë dyshet e 1/16-tës së finales:

Porto – Arsenal

Napoli – Barcelona

PSG – Real Sociedad

Inter – Atletico Madrid

PSV – Borussia Dortmund

Lazio – Bayern

Kopenhagen – Manchester City

RB Leipzig – Real Madrid

Në sy biejnë tri ndeshje relativisht më interesante. Përballjet italiano – spanjolle, si dhe përballja e tretë ajo e PSG-së, që shpreson se do të kalojë një kundërshtar shumë të disiplinuar në lojë .

Ndeshjet e para do të luhen më 13, 14, 20 dhe 21 shkurt, ndërsa ndeshjet e kthimit më 5, 6, 12 dhe 13 mars.