“Fondi Evropian i Paqes”, 9 milionë euro mbështetje për ARM-në

 

“Këto mjete do të shfrytëzohen për prokurimin e pajisjeve logjistike, pajisjeve mjekësore, sistemet e komunikimit dhe informacionit, kapacitetet e inteligjencës, pajisjeve inxhinierike dhe pajisjeve për kryerjen e trajnimeve. Të gjitha këto pajisje janë të destinuar për lehtësimin  e punës në grupin e batalionit të këmbësorisë dhe do të shfrytëzohen për këtë njësi të Armatës. Të gjitha këto pajisje janë më standardet më të larta të NATO-s.”, - deklaroi ministrja e Mbrojtjes, Sllavjanka Petrovska.

 

“Ky është një nga kontributet e para nga “Fondi Evropian i Paqes” që do të ndihmojë ushtrinë të bëhet edhe më e shkathët dhe në këtë mënyrë të kontribuojë në rritjen e pjesëmarrjes së saj në operacionet e paqes në kuadër të politikës së përbashkët të jashtme dhe të mbrojtjes.”, - theksoi ambasadori evropian, Dejvid Gir.

 

“Në muajt e ardhshëm dhe vitin e ardhshëm pritet prokurimi dhe dorëzimi i pajisjeve, që do të jetë një shfaqje e dukshme e përkushtimit të Bashkimit Evropian dhe partneritetit të forcuar me Maqedoninë e Veriut. Projekti ka filluar dhe do të jetë shembull për vendet e rajonit.”, - u shpreh drejtori i Organizatës Sllovene për Promovimin e Sigurisë Njerëzore – ITF, Tomazh Lovrençiq. 

 

Pajisjet që do të prokurohen përmes ITF-së janë të koordinuara me profesionistë të Ushtrisë, gjë që është garanci se do të jetë në përputhje me nevojat  e ushtrisë dhe standardet më të larta të NATO-s.