Shqipëri, Qeveria propozon festë kombëtare 22 Nëntorin

 

“22 Nëntori përfaqëson momentin më të madh unifikues të shqiptarëve, të cilët janë të shpërndarë në pothuajse të gjitha vendet e Ballkanit, janë të përfaqësuar në të gjitha fetë monoteiste. Por, ajo që vërtet i ka bashkuar dhe vazhdon t’i bashkojë është gjuha dhe fakti që në Kongresin e Manastirit zgjodhën të shkruajnë dhe të identifikohen me këtë gjuhë të bukur dhe të shenjtë në alfabetin latin.”, - theksoi ministri për Evropën dhe Punët e Jashtme, Igli Hasani.

 

Ministri informoi se kjo iniciativë u bazua edhe në diskutimet që patëm pas Samitit të Diasporës.

 

“Kryeministri i Shqipërisë e njoftoi në prani të të gjithë përfaqësuesve të Diasporës shqiptare, por duke pasur parasysh edhe faktin se ky vit, viti 2024, është një vit i rëndësishëm për të gjithë shqiptarët në rajon. Shqipëria shpreson që të ketë një rrugë sa më të qartë dhe sa më të shpejtë në procesin e integrimit në Bashkimin Evropian, por edhe shqiptarët e Maqedonisë së Veriut, ata të Kosovës, Preshevës apo Malit të Zi janë në procese të rëndësishme përfaqësuese dhe integruese.”, - u shpreh ministri për Evropën dhe Punët e Jashtme, Igli Hasani.

 

Sipas tij, Ministria e Arsimit është duke përgatitur gjithashtu një kalendar shumë të rëndësishëm eventesh për vitin 2024 të lidhura me gjuhën shqipe.