Kievi paralajmëron: Rusia mund të mposhtë mbrojtjen ajrore të Ukrainës

Sulmet e  Rusisë kanë përdorur të gjithë gamën e arsenalit të saj ajror: raketa lundrimi, raketa balistike nga afër kufirit ruso-ukrainas, raketa hipersonike dhe drone më të ngadaltë, të gjitha ndonjëherë përdoren për të goditur të njëjtin objektiv, tha këshilltari presidencial ukrainas, Mikhailo Podoliak. Analistët ndërkombëtarë thonë se sulmi i raketave ruse, të grumbulluara për muaj të tërë, synon të kapërcejë mbrojtjen e kufizuar raketore të Ukrainës. Sipas autoriteteve ukrainase, Ukraina arriti të rrëzonte vetëm 18 nga 51 raketat e lëshuara në vend më 8 janar. Kanë hyrë në lojë edhe taktika të reja. Disa ndryshime janë të thjeshta: Rusia ka filluar t’i lyejë dronët e saj të prodhuar nga Irani me ngjyrë të zezë, duke i kamufluar në qiellin e natës.