Izraeli në Gjykatën Ndërkombëtare të Drejtësisë, Tel Avivi përballet me akuzat për gjenocid në Gaza

 

“Izraeli të ndalojë menjëherë operacionet ushtarake në dhe kundër Gazës. Së dyti, të siguroj që çdo formacion ushtarak ose i parregullt nën kontrollin e tyre të mos ndërmarrë operacione të mëtejshme ushtarake. Izraeli gjithashtu nuk respekton Konventën për Parandalimin dhe Ndëshkimin e Gjenocidit Penal kundër popullit palestinez.”, - deklaroi ambasadori i Afrikës së Jugut në Mbretërinë e Holandës, Vusimuzi Madonsela. 

 

Afrika e Jugut në aktakuzë konstaton se 6,000 predha goditën Gazën në javën e parë pas sulmeve të Hamasit. Nga ana tjetër, pala izraelite pretendimet e Afrikës së Jugut i ka kualifikuar si hipokrite.

 

“Nëse ka një shqetësim për përgjegjësinë e shteteve nën konventën e gjenocidit, atëherë ai lidhet me detyrën e veprimit kundër Hamasit, kundër agjendës së shkatërruesit, e cila nuk është sekrete dhe për të cilën ne nuk mund të dyshojmë. Gjuha e shfarosjes së Hamasit është përsëritur vazhdimisht nga krerët e saj, me fjalët e krahut politik të spastrimit etnik të një të pestës së hebrenjve për shkak të Palestinës.”, - theksoi përfaqësuesi ligjor i Izraelit në Hagë, Tal Beker. 

 

Për Izraelin, padia është manipulim. Përveç kësaj, përfaqësuesi izraelit, akuzoi Afrikën e Jugut për delegjitimimin e ekzistencës 75-vjeçare të Izraelit dhe shkatërrimin e historisë hebraike. E ndërsa numërohen viktimat e ofensivës së Tel Aviv në Gaza, mes tyre edhe katër përfaqësuesit e Gjysmëhënës së Kuqe, Hezbollahu goditi me raketa Kirjat Shmona, një qytet në veri të Izraelit. Sipas Hezbollahut militantët pro-iranianë, po hakmerreshin për vrasjen e dy punonjësve të shëndetësisë në sulmet izraelite. Nga ana tjetër, sipas ushtrisë izraelite, 150 terroristë të Hezbollahut janë vrarë që nga fillimi i konfliktit.