Botë
Vijojnë tensionet e armatosura në Detin e Kuq, amerikanët rrëzuan sërish raketë të Huthive
15.01.2024 11:06
Ushtria amerikane rrëzoi një raketë lundrimi të nisur drejt një prej anijeve të saj luftarake nga një zonë Huthi në Jemen....
Ushtria amerikane rrëzoi një raketë lundrimi të nisur drejt një prej anijeve të saj luftarake nga një zonë Huthi në Jemen. Raketa e lundrimit kundër anijeve, e nisur drejt USS Labon në Detin e Kuq, u rrëzua në brigjet e Hudajdah nga një avion luftarak amerikan, ndërkohë që nuk raportohet për të lënduar apo dëme të tjera.
Incidenti vjen pasi ShBA-ja dhe Britania e Madhe nisën sulme që synojnë degradimin e aftësive ushtarake të Huthis, të cilët kanë sulmuar anijet e ngarkesave të Detit të Kuq. ShBA-ja dhe Britania e Madhe goditën gati 30 vendndodhje në Jemen të premten, duke përfshirë depo armësh, qendra logjistike dhe sisteme të mbrojtjes ajrore. Ky është incidenti i fundit në Detin e Kuq, ku Huthit kanë sulmuar anijet ndërkombëtare në atë që ata thonë se është një fushatë për të mbështetur palestinezët e rrethuar nga forcat izraelite në Gaza.