Radiologjia pajiset me rëntgen digjital, Pacientët: Terminet po keqpërdoren

 

“Pres rezultat nga incizimi i boshtit kurrizor sepse kam dhimbje të mëdha. Ende nuk mund ta lexojnë rezultatin edhe pse më ishte thënë se do të jetë i gatshëm për dhjetë ditë pune.”, - u shpreh një paciente.

 

 

Përveç mungesës së kuadrit nga Instituti i Radiologjisë sqarojnë se ka edhe keqpërdorime të terminëve. Ato caktohen kur pacientët nuk kanë nevojë për incizim. 

 

“Duhet të bëhet mbikëqyrje e pacientit, të konstatohet se cili pacient e ka me urgjencë bërjen e rezonancës magnetike dhe atij t’i jepet prioritet dhe duke e ditur se i njëjti nuk shkakton rrezatim andaj edhe kjo metodë e diagnostifikimit keqpërdoret.”, - deklaroi drejtoresha e Institutit të Radiologjisë, Gordana Antulleska Bellçevska.

 

Por, ministri i Shëndetësisë premton se këtë problematikë do ta zgjidh me punësimin e kuadrove të rinj. Për përmirësimin e cilësisë së shërbimeve shëndetësore, sipas tij do të jenë edhe aparati i ri digjital me rreze X për imazhe dinamike radiografike, si dhe mamografi për diagnistifikimin e kancerit të gjirit. 

 

“Aparati me rreze X është i rëndësishëm për pacientët e rinj dhe i rëndësishëm për diagnostifikim një aparat i ngjashëm ka ekzistuar edhe më parë ku mesatarisht janë realizuar 3,000 ekzaminime për popullsinë më të re prej moshës 14-vjeçare. Kemi marrë edhe mamografi me tomografi, si edhe ekoaparat të cilat janë të rëndësishëm për diagnostifikimin e hershëm të kancerit të gjirit. Kjo tregon se ne kujdesemi për parandalimin e sëmundjeve malinje.”, - theksoi ministri i Shëndetësisë, Fatmir Mexhiti.

 

Për t’u evituar keqpërdorimi i terminëve, Mexhiti paralajmëroi se do të mbikëqyren edhe mjekët amë gjatë dhënies së udhëzimeve.