Komuna e Shuto Orizarës, me qendër për shërbime më të lehta institucionale

 

“Përmes kësaj qendre, e para e këtij lloji në vend, qytetarët do të kenë qasje të papenguar në më shumë shërbime administrative, në mesin e të cilave shërbime shëndetësore dhe sociale, shërbimet për punësim, arsim shkollor dhe parashkollor  dhe akses në ndihmë juridike. Qendra do të sigurojë riintegrim social dhe ekonomik për banorët e Shuto Orizarës dhe do të ofrojë më shumë mundësi, që të kthyerit të jenë më aktiv në tregun e punës dhe do të jenë shumëdimensional.”, - deklaroi kryeministri i Maqedonisë së Veriut, Dimitar Kovaçevski.

 

Zyra e Qendrës së Resurseve do të jetë në kuadër të komunës së Shuto Orizarës dhe kap vlerën e 180 mijë eurove, prej tyre, 81 euro janë siguruar përmes fondit të BE-së, pjesën tjetër do ta sigurojë komuna. Brenda këtij objekti do të jenë zyrat e institucioneve shtetërore dhe OJQ-së që veprojnë për komunitetin.

 

“Brenda objektit të sapondërtuar, për herë të parë në RMV, do të hapet Qendër Komunale për Resurse, ku për OJQ-në që veprojnë për të ndihmuar komunitetin e kësaj komune, do t’u jepen hapësira  që do të shfrytëzohen për aktivitetet e tyre. Gjithashtu zyra të posaçme do të ketë edhe Agjencia për Punësim,  njësia territoriale e Fondit për Sigurim Shëndetësor, Zyra për udhëheqje me librat e gjendjes civile  në këtë mënyrë do të lehtësohet barra edhe për të punësuarit në këtë komunë.”, - deklaroi kryetari i komunës së Shuto Orizarës, Kurto Dudush.

 

"Ky projekt i BE-së ka për qëllim t'i integrojë romët e Ballkanit Perëndimor në aspektin social dhe ekonomik. Me këtë projekt rajonal, të gjithë kategoritë e margjinalizuara do t’u qasen më lehtë shërbimeve institucionale  dhe me këtë do të integrohen në shoqëri.”, - theksoi delegacioni i BE-së, Shtefan Hudolin. 

 

Përfaqësuesi i përhershëm i UNDP-së, Armen Gregorian, tha se edhe në të ardhmen do të realizojnë projekte në bashkëpunim me këtë komunë, për të ndihmuar në integrimin e romëve.