Kompanitë maqedonase, kamionët me mallra do t’i masin vetëm një herë

 

“Të gjitha këto automjete me mallra në hyrje dhe dalje janë peshuar dy herë, një herë në Maqedoni dhe një herë në Serbi, por me nënshkrimin e protokollit të sotëm për njohjen e të ashtuquajturave peshore, këto mjete mallrash do të peshohen vetëm një herë dhe kjo gjë për kompanitë do të kursejë kohë dhe para. Premtova se Drejtoria Doganore do të veprojë si partner i komunitetit të biznesit, me qëllim të krijimit të kushteve për rritjen e konkurrencës së tyre në tregun ndërkombëtar.”, - deklaroi drejtori i Drejtorisë Doganore, Stefan Bogoev. 

 

 

Bogoev bëri të ditur se do të nisë një iniciativë që  marrëveshje të  tillë të ketë edhe me Shqipërinë, në mënyrë që importi dhe eksporti i mallrave në atë anë të shkojë më shpejt.

 

“Kjo mbetet për t'u zbatuar në fushën e trafikut të pasagjerëve, që pavarësisht faktit se kontrolli i pasaportave kryhet në një vend dhe  në dy kabina kontrolli, ka ende periudha kur ka turma të mëdha. Drejtoria Doganore shpreson se Ministria e Punëve të Brendshme së shpejti do ta përfundojë procesin për qarkullim më të shpejtë të udhëtarëve në këtë vendkalim.”, - theksoi drejtori i Drejtorisë Doganore, Stefan Bogoev. 

 

Këmbimi tregtar  mes Maqedonisë së Veriut dhe Serbisë është gati një miliard euro. Vitin e kaluar është shënuar rritje e eksporteve nga pala maqedonase.