Ministri i Jashtëm i Shqipërisë viziton Prishtinën, Hasani: Serbia të mos çojë ushtarë në kufirin me Kosovën

 

“Bëjmë thirrje të gjithë aktorëve dhe faktorëve që jetojnë në shekullin 21, të mos i çojnë ushtritë fqinjit më tek kufiri, por askush nuk duhet ta vazhdojë më këtë lojën qesharake, sepse garancia më e madhe për integritetin dhe sovranitetin e Kosovës është NATO-ja, ku edhe Shqipëria është pjesë.”, - deklaroi ministri i Jashtëm, Igli Hasani.

 

Duke iu referuar zhvillimeve gjatë vitit 2023, ministrja e Punëve të Jashtme të Kosovës, Donika Gërvalla, tha se BE-ja nuk ka qenë në gjendje të detyrojë Serbinë për nënshkrimin e një marrëveshjeje me Kosovën. 

 

“Do të vazhdojë BE-ja me ledhatimin e Serbisë, me rrezikun real që vjen nga Serbia apo do të ketë ndryshim në qasje? Ka një lëvizje të ngadalshme rreth një strategjie të re.”, - theksoi ministrja e Punëve të Jashtme të Kosovës, Donika Gërvalla. 

 

Nga ana e tij, Hasani tha se 2024-ta është një vit i rëndësishëm për faktorin ndërkombëtar.

 

“Është vit i rëndësishëm për gjithë faktorin ndërkombëtar, ka zgjedhje në ShBA, zgjedhje në BE. Janë momente që s’duhet t’i humbasim. Kosova po kryen detyrat e saj. Liberalizimi i vizave do t’i japë impakt të ri.”, - theksoi ministri i Jashtëm, Igli Hasani.