Tre klube të Premier Ligës në garë për Brojan

Chelsea është i gatshëm të lërë Armando Broja të largohet në mënyrë të përhershme dhe një lëvizje e tillë nuk është e kushtëzuar nga fakti nëse klubi do të blejë ose jo një sulmues tjetër.

Ka interes nga disa klube për sulmuesin 22-vjeçar duke përfshirë Fulham, West Ham dhe Wolverhampton Wanderers.

Çdo interes për një sulmues të ri në janar ose verë është i pavarur nga situata e Brojës, me Christopher Nkunku që pritet të kthehet nga dëmtimi. Broja pati një fillim të vonuar të sezonit për shkak të dëmtimit të ligamentit në dhjetor 2022.

Ai u rikthye pas nëntë muajsh gjatë humbjes 1-0 në shtator nga Aston Villa në Premier League.

Sulmuesi shqiptar, i cili shënoi nëntë gola në 38 ndeshje në huazim te Southampton gjatë sezonit 2021-22, ka regjistruar dy gola dhe një asistim për Chelsean këtë sezon, duke shënuar së fundmi gjatë fitores 4-0 ndaj Preston North End në FA Cup në fillim të këtij muaji.