Hendboll, Karabatiç - golashënuesi më i mirë në historinë evropianëve

Një prej hendbollistëve më të mirë në botë, veterani Nikolla Karabatiç, planifikon që në Lojërat Olimpike Verore në “Paris 2024”, të përshëndetet me hendbollin dhe përfaqësuesen franceze.

E deri sa kjo nuk do të ndodhë, ai po orvatet që në evropianin e hendbollit të  futet në historinë e këtyre garave.

Në një farë mënyrë në ndeshjen me Kroacinë e bëri hapin e parë. Karabatiç në minutën e 45 të ndeshjes, e shënoi golin e tij të pestë, për avantazhin 26:22.

Për Nikolla Karabatiç ishte goli i 289 në kampionatet evropiane  dhe u bë golashënuesi më i mirë në historinë e kampionateve evropiane. 

Kështu ai arriti të thyejë rekordin e Sigurdssonit. Islandezi kishte shënuar 288 gola.