Strugë, numri i natalitetit në rënie

 

“Lindjet në krahasim me vitin e kaluar numri sa vin edhe zvogëlohet, kjo vjen edhe si shkak e migrimit të rinisë që është shum e më shumë kët kohën e fundit, është zvogëluar numri i lindjeve me 20% më pak se vitin e kaluar. Këtë vit deri tani kemi pas 25 lindje, të gjitha kanë qenë me një bebe nuk kemi pas binjak apo trinjak.”, tha Majlinda Sheji, gjinekologe.

 

Kapacitetet e repartit të gjinekologjisë janë të mjaftueshme për numrin e lindjeve. Por nevojiten kushte më të mira sepse spitali është i vjetër.

 

“Si gjith spitali që është i vjetër dhe nuk ka kushte të mjaftueshme por higjiena pastërtia dhe rregulli i repartit është në maksimum. Puna teknike nuk varet nga ne e dimë si është nuk ka kushte të mjaftueshme. Reparti jonë përbëhet nga 7 dhoma, ka, mjaftueshëm për numrin e lindjeve deri tani.”, tha Sheji.

 

Numri i natalitetit ka rënë dukshëm në 15 vitet e fundit. Para më shumë se një decade në Strugë kishte mbi 700 të porsalindur ndërsa vitet e fundit ky numër është përgjysmuar. Rënia e natalitetit vjen si pasojë e migrimit të të rinjve që viteve të fundit është bërë një shqetësim i madh.