Maqedoni
Seancë e jashtëzakonshme e Qytetit të Shkupit për shkak të grevës së paralajmëruar nga NQP
22.01.2024 09:09
Qytetarët sot do të kenë transport publik deri në orën 09:00...
Qytetarët sot do të kenë transport publik deri në orën 09:00, ndërsa më pas do të tërhiqen autobusët e Ndërmarrjes për Qarkullim Publik në pritje të vendimit të Këshillit të Qytetit të Shkupit për pagesën e pagës së dhjetorit dhe subvencioneve prej 11 milionë euro për kompaninë.
Rregullisht do të qarkullojnë vetëm furgonët për transportin e personave me nevoja të veçanta dhe autobusët që ofrojnë transport të organizuar për nxënësit për të cilët NQP ka marrëveshje me shkollat dhe komunat.
Në ora 11 është caktuar seanca e jashtëzakonshme e Këshillit të Qytetit të Shkupit, në të cilën pika e vetme e rendit të ditës është vendimi për subvencionet prej 11 milionë euro për NQP-në. Kjo është hera e katërt që vendimi për subvencionet e NQP-së sillet në seancë të Këshillit të Qytetit të Shkupit.