Interi fiton Superkupën
23.01.2024 15:17
Në stadiumin Al-Awwal Park të Riadit, Interi fitoi pas një beteje të vërtetë, e cila pa Napolin
Në stadiumin Al-Awwal Park të Riadit, Interi fitoi pas një beteje të vërtetë, e cila pa Napolin të luajë me dhjetë lojtarë (Simeone u përjashtua) dhe rezistoi me një mur në dukje të pathyeshëm deri në minutën e 91-të. Heroi ishte Lautaro Martinez, me goditjen vendimtare në finale. Simone Inzaghi bën historinë, Superkupa e pestë si trajner, askush si ai në Itali. Interi e konfirmon veten si mbretëresha e kupave, ose më saktë, e Superkupave.
Zikaltërit triumfuan në Riad, duke mposhtur Napolin 1-0. Lautaro Martinez, me goditjen etij, siguroi për zikaltërit Superkupën e Italisë për të tretën herë radhazi, duke barazuar Milanin (1992-94). Simone Inzaghi bën histori me fitoren e tij të shtatë në këtë trofe, e pesta si trajner. Pasi ka kaluar Lippin dhe Capello (4), trajneri zikaltër është në historinë e futbollit italian dhe bëhet më i suksesshmi ndonjëherë në këtë turne.