Shteti dhe siguria, ministrat e resorëve: Integrimi në NATO dëshmoi përfitimet

 

“Nëse në atë ditë, në atë vit nuk do të ishim vend anëtarë i aleancës, asnjë ministër i Mbrojtjes, pa dallim nëse kam qenë unë apo dikush tjetër, nuk do të kishte mundur të japë përgjigje ashtu siç u pata përgjigjur unë në atë kohë, dhe ajo është se Republika e Maqedonisë së Veriut  është e sigurt në aspekt të kërcënimeve konvencionale, sepse është vend anëtarë i aleancës. Por, si e arritëm këtë? Momenti kyç ishte marrja e vendimit  të rëndësishëm politik në vitin 2018.”, - deklaroi ministrja e Mbrojtjes, Sllavjanka Petrovska.

 

Edhe resori i brendshëm lavdërohet me punën dhe efikasitetin policor dhe uljen e kriminalitetit në vitin që lamë pas.

 

“Ulja e kriminalitetit të përgjithshëm në shtet dhe e dyta, efikasiteti i policisë në zbulimin e veprave penale. Këto janë dy parametra të  rëndësishme në bazë të së cilave mund të bëhet  vlerësimi dhe nëse flasim për vitin 2023, në krahasim me vitin e kaluar kemi ulje diku për 8% të kriminalitetit të përgjithshëm.”, - theksoi ministri i Brendshëm, Oliver Spasovski.

 

Perspektiva e vendit bëhet e plotë kur të arrihet edhe integrimin në Bashkimin Evropian, vlerëson ish-ambasadori, Nano Ruzhin.

 

“Të vërtetohen interesat vitale të një shteti dhe shoqërie, të vërtetohen rreziqet dhe kërcënimet kryesoretë shtetit dhe e treta, të shpërndahen resurset e shtetit, ekonomike, politike, ushtarake dhe sociale, në mënyrë që të mbrohen këto interesa vitale. Kjo mund të bëhet vetëm në suaza të një institucioni, organizate siç është Bashkimi Evropian.”, - u shpreh ish-ambasadori, Nano Ruzhin.

 

Këto komente u thanë në ditën e dytë të konferencës vjetore, organizuar nga Qeveria e vendit mbi mundësitë evropiane në vitin 2024.