ShBA, përpjekje për armëpushim të përkohshëm, Netanjahu: Lufta do të vazhdojë deri në fitore

 

“Nuk mund t’i konfirmoj njoftimet konkrete që po shkruhen në media, por bisedimet janë të matura dhe serioze në përpjekje për të arritur edhe një marrëveshje për pengjet.”, - deklaroi zëdhënësi i Këshillit për Siguri Kombëtare, Xhon Kirbi. 

 

Tel Avivi mbetet në qëndrimin se lufta do të vazhdojë deri në fitoren e plotë ndaj Hamasit.

 

“Kjo është luftë në shtëpinë tonë dhe do të mbarojë me çrrënjosjen e agresionit dhe dëmit të nazistëve të rinj. Nëse Izraeli nuk fiton, ju do të jeni viktima të radhës.”, - theksoi kryeministri i Izraelit, Benjamin Netanjahu.

 

 

Komuniteti ndërkombëtar po rrit presionin për një zgjidhje me dy shtete. Refuzimi i vazhdueshëm i Izraelit kërcënon paqen globale, thotë sekretari i Përgjithshëm i OKB-së.

 

"Paqja e qëndrueshme mund të vijë vetëm përmes një zgjidhjeje me dy shtete. Refuzimi nga qeveria izraelite është i papranueshëm. Kjo do të zgjaste konfliktin, që është bërë një kërcënim i madh për paqen dhe sigurinë globale.”, - theksoi sekretari i përgjithshëm i Kombeve të Bashkuara, Antonio Guterres. 

 

Ndërkohë që luftimet po përshkallëzohen, mesazh për armëpushim ka shprehur edhe ministri i Jashtëm britanik, Kameron, i cili sërish është në vizitë në Lindjen e Mesme. Nga ana tjetër, forcat izraelite të mbrojtjes vazhdojnë të rrisin presionin ndaj Hamasit, si nga ajri, ashtu edhe në tokë. Vazhdon gjithashtu shkëmbimi i zjarrit me Hezbollahun në jug të Libanit. Njëkohësisht, po rriten edhe sulmet Huthi në Detin e Kuq, por duke mos munguar dhe kundërpërgjigja e ShBA-së në Jemen, Irak dhe Siri.