Hekurudhat e RMV-së, Boçvarski: Punojnë me humbje, kemi ndarë 445 milionë denarë

 

“Dua që t’ju informoj se 445 milionë denarë ndihmë financiare janë ndarë nga buxheti i vendit për ndërmarrjen Hekurudhat e Maqedonisë - Transport për vitin 2024, mjete këto të cilat janë në llogarinë e Ministrisë së Transportit, dhe këto mjete mund t’i marrin sipas procedurave për transportin jorentabil. Por, për t’i marrë këto mjete, sipas kësteve duhet që të punojnë, prandaj do t’i kisha rekomanduar që të fillojnë t’i operojnë linjat dhe të punojnë më shumë. Unë nuk di se a ka ndonjë ndërmarrje tjetër që pa punuar, presin që Qeveria apo Ministria t’ua paguajnë pagat dhe ta mirëmbajnë gjallë. Kjo është ndërmarrje, e cila duhet të gjenerojë profit për funksionim, për paga.”, - deklaroi ministri i Transportit dhe Lidhjeve, Bllagoja Boçvarski. 

 

Boçvarski pohoi se Qeveria shumë shpejtë do të dalë me plan për racionalizim të shpenzimeve në këtë ndërmarrje, me të vetmin qëllim që t’i ulin shpenzimet.