Pendarovski mandatoi Talat Xhaferin për kryemisnitër

 

“Për mandatar për përbërjen e Qeverisë kalimtare për realizimin e zgjedhjeve parlamentare e caktoj zotin Talat Xhaferi.”, - u shpreh presidenti i RMV-së, Stevo Pendarovski.

 

Pas marrjes së mandatit, Xhaferi premtoi se në bazë të ligjeve dhe Kushtetutës, negociatat për përbërjen e Qeverisë kalimtare do të zhvillohen sipas nevojës politike dhe gjendjes në shtet.

 

“Me kënaqësi dhe përgjegjësi të plotë pranoj mandatin nga presidenti i shtetit, me një premtim se me ndërgjegje dhe në bazë të ligjeve dhe Kushtetutës, përbërja e Qeverisë dhe negociatat për përbërjen e Qeverisë do të zhvillohen në pajtim me nevojën politike dhe situatën në vend.”, - theksoi mandatari për formimin e Qeverisë së re, Talat Xhaferi.

 

Seanca për zgjedhjen e Qeverisë teknike, pritet të mbahet të dielën, më 28 janar.