EVN, fatura proporcionale me konsumin

Pas akuzave të Alternativës, EVN jep përgjigje të përgjithshme të aspektit më të gjërë. Sipas kompanisw, konsumatorët pranojnë fatura proporcionale me konsumin e tyre. Konsumi i energjisë elektrike nga ana e konsumatorëve gjatë kësaj periudhe të vitit rritet për shkak se temperaturat janë të ulëta.”- thonë nga EVN.

“Kjo automatikisht gjithashtu nënkupton se konsumatorët pranojnë fatura proporcionale me konsumin e tyre. Konsumi mesatar i një amvisërie e cila për ngrohje përdor pajisje efikase të energjisë elektrike gjatë muajve të dimrit është nga 500 deri 1000 kvh. Në këta raste, faturat e energjisë elektrike janë nga 4000-7000 denarë. Si çdoherë, qëndrojmë në dispozicion për konsumatorët tanë, detajisht t’i shqyrtojmë dhe analizojmë ankesat e tyre, ndërsa për publikun jemi në çdo kohë në dispozicion që në tërësi t’i publikojmë dhe shpjegojmë arsyet e konsumit të lartë të cilitdo konsumatori i cili do ta kërkon këtë.” – thuhet në reagimin e EVN Maqedoni.