Ndryshimet klimatike, Shukova: Nevojitet koordinim gjithëpërfshirës institucional

 

“Për të ballafaquar me ndryshimet klimatike është e nevojshme që të ketë koordinim të mirë ndërmjet të gjitha palëve të përfshira. Për shkak se duhet të ndërmerren disa aksione në pjesën e përshtatjes, unë i ftoj të gjitha palët që të punojnë në mënyrë aktive, sepse shohim që klima ka një ndikim në rritje, jo vetëm në vendin tonë, por edhe në nivel global.”, - deklaroi ministrja e Ekologjisë, Kaja Shukova.

 

“Është e nevojshme më shumë të flasim për ndryshimet klimatike dhe për sfidat që i shkaktojnë në nivel lokal dhe nacional, sepse niveli lokal është shumë i rëndësishëm, pasi që këtu janë qytetarët. Konsideroj se kemi një bazë themelore për mbrojtje nga ndryshimet klimatike, por është e nevojshme të punojmë më shumë për koordinimin, grumbullimin dhe realizimin e të dhënave.”, - theksoi kryetarja e Qendrës për Ndryshime Klimatike, Bojana Stojanovska.

 

 

“Qendra për Menaxhimin me Kriza gjatë kësaj periudhe është duke punuar dhe duke i përgatitur resurset për stinën e pranverës ku jemi në pritje të ketë përmbytje dhe për stinën e verës ku përsëri  presim që të ketë temperatura të larta dhe jemi në pritje të paraqitjes së shpërthimit të zjarreve në zonat pyjore.”, - u shpreh drejtori i Qendrës për Menaxhim me Kriza, Stojanço Angelov.

 

“Pas vitit 2009, për herë të parë vitin e kaluar, 3 avionët e njësisë për mbrojtje dhe shpëtim ishin të gatshëm dhe ishin në teren sa herë që për ta kishte nevojë për t’i shuar zjarret e përhapura në zonat pyjore dhe për shkak të shfrytëzimit dhe angazhimit të plotë të këtyre resurseve në vitin e kaluar në krahasim me vitet e mëparshme, vitin e kaluar kaluam më lehtë.”, - theksoi drejtori i Drejtorisë për Mbrojtje dhe Shpëtim, Bekim Maksuti.

 

Të gjitha këtu u thanë në konferencën përfundimtare të projektit "Rritja e rezistencës ndaj klimës në nivel lokal" i implementuar nga Qendra për ndryshime klimatike në kuadër të programit "Organizata civile për aktivitete klimatike" dhe financuar nga Qeveria e Suedisë.