Vendimi gjyqësor për pronën e objektit, LSM-ja kërkon dorëheqjen e gjykatësve

 

“Kërkoj gjykatësit në Gjykatën Supreme,  Shpend Devaja, Isamedin Limani dhe Nake Gjorgjiev, të dorëhiqen menjëherë. Ashtu siç e dinim dhe dyshonim doli vendimi gjyqësor. Shpend Devaja si Kryetar i Këshillit është i nënshkruar në këtë aktvendim, njëjtë si dhe Isamedin Limani dhe Nake Gjorgjiev janë personat për të cilët gjyqësori paguan çmim dhe konsiderohet si i korruptuar dhe gjykata që punën e bën nën ndikim. Këto tre persona, nga këshilli i përbërë nga 5 gjyqtarë, duke e përfshirë edhe Elica Kërstevska dhe Aneta Boshkovska, e kanë sjellë vendimin me bindje vetanake pa pasur argumente dhe duke përdorur ligjin, i cili më nuk është fuqi.”, - deklaroi Sllobodan Trendafillov nga Lidhja e Sindikatave të Maqedonisë.

 

Aktvendimin e Gjykatës Supreme, sindikalistët do ta ankimojnë para institucioneve ndërkombëtare për të drejtat e njeriut në Strasburg.  Njëherit, Trendafillov paralajmëroi se sindikalistët në asnjë mënyrë nuk do të lejojnë që në objektin e punëtorëve të hyjë askush tjetër, përveç sindikalistët,  të cilat me mjetet  e tyre e kanë ndërtuar objektin e LSM-së. Ata nuk e përjashtojnë mundësinë që për këtë çështje të organizojnë edhe protesta.