Strugë, edukatoret me kontrata bojkotuan punën

 

“Jemi edhe ne në situatë të keqe, do të duhet të japim dorëheqje prej pune nuk kemi asnjë lloj zgjidhje për këtë, shumica e prindërve do të duhet të marrim hapa tjerë që të gjejmë zgjidhje.”, u spreh një prind.

 

“Duhet të rregullohet statusi i tyre, sepse ne si prindër i dërgojmë këtu fëmijët, s’kemi ku t’i dërgojmë diku tjetër. Prandaj duhet institucionet të reagojnë dhe ta rregullojnë. Unë sjell dy fëmijë këtu.”, tha një prind.

 

“Sigurisht që jemi të shqetësuar, sepse ky nuk është problem vetëm i të punësuarve por edhe i çdo prindëri që i sjell fëmijët këtu, sepse nëse nuk ka kush të kujdeset për fëmijët do duhet ne të japim dorëheqje prej punëve tona.”, u spreh një prind.

 

Edukatoret dhe kujdestaret me kontrata i qëndruan paralajmërimit që nga një shkurti nuk do të vijnë në punë dhe thonë se do të bojkotojnë deri sa t’u rregullohet statusi i punës. 

 

“Punojmë me kontratë, marrim deri në 10 mijë denarë rrogë, presim që të marrim të gjithë vendim, 4 muaj nuk jemi në punë, kemi bërë kërkesë në Komunë të na rregullojnë, nuk ka përgjigje askund.”, tha Semra Shahin, edukatore me kontratë.

 

“Është e padurueshme nga ana psikologjike, padurueshme, por edhe nga ana materiale e njëjta gjë. Kemi vite që presim që të rregullohet kjo është vërtet e tepërt.”, tha Vesna Markoski, edukatore me kontratë.

 

Drejtoresha e mëparshme dha dorëheqje para më shumë se një jave, ndërsa drejtoresha e re ka qenë në takim me kryetarin e komunës dhe thotë se po punohet për zgjidhjen e problemit, prioritet mbetet përkujdesja për fëmijët.