Futboll
IFFHS, Struga TL skuadra më e mirë vendore
01.02.2024 15:56
Federata Ndërkombëtare e Historisë dhe Statistikave të Futbollit...
Federata Ndërkombëtare e Historisë dhe Statistikave të Futbollit, IFFHS (International Federation of Football History and Statistics), ka publikuar së fundmi listën e klubeve më të mira në botë nisur nga arritjet që ata kanë në arenën kombëtare dhe ndërkombëtare për periudhën kohore , 1 janar 2023-31 dhjetor 2023.
Në këtë rang-listë janë publikuar vetëm 906 klube. Në listën prej 692 klube ndodhen edhe dymbëdhjetë skuadra shqiptare që aktivitetin e tyre e ushtrojnë në Maqedonia e Veriut, Shqipëri dhe Kosovë. Sa i përket LPFM-së, kampioni aktual është me renditjen më të mirë. Struga Trim Lum është klubi me arritjet më të mira, që mban vendin e 261-të me 72.5 pikë. “Liqenasit” në krahasim me një vit kanë shënuar ngritje për 14 pozita.
Pas tyre mbesin Shkupi i 435 me 55.75 si dhe Shkëndija 482 me 52 pikë. Të dyja këto kanë humbur pozita 46 gjegjësisht 34 pozita. Skuadra më e mirë mbarëshqiptare sipas IFFHS-së mbetet Ballkani, klubi kampion në Kosovë, që renditet në vendin e 165-të me 97 pikë.
Skuadra nga Suhareka ka humbur 8 pozita nga renditja e një vit më parë. Sa i përket Kategorisë Superiore (Shqipëria), Partizani është klubi me arritjet më të mira, që mban vendin e 201-të me 87.75 pikë. Kryesimi i listës së klubeve më të mira në botë i takon fituesit të Ligës së Kampionëve, Premier Ligës angleze si dhe Kupës së Botës për klube Mançester Siti.
Renditja e klubeve mbarëshqiptare në renditjen vjetore të IFFHS-së
Vendi Klubi Pikët
165 BALLKANI 97
201 PARTIZANI 87.75
261 STRUGA 72.5
326 TIRANA 64.75
353 EGNATIA 61.5
435 SHKUPI 55.75
482 SHKËNDIJA (T) 52
519 VLLAZNIA 49.5
SAFET ADEMI