Dokumentet personale, edhe dhjetë ditë afat për ndërrim të dokumenteve

 

“Kam ardhur diku kah ora 9:30. Mendoj se kjo është nënçmuese dhe jo e përshtatshme për njerëzit.”, - u shpreh një qytetar.

 

“Jemi këtu prej orës 7:30, tani ora është 13:00. Ja, tani po bëjnë pauzë. Prej dhjetë sporteleve, pas pauzës do të punojnë vetëm 3 sportele, për shkak se ashtu bëjnë. Ja këtu ka persona që presin prej dje që nuk kanë kryer punë.”, - u shpreh një qytetar tjetër.

 

“Në vitin 2021 kam nxjerrë letërnjoftimin, më shkruan me emrin Maqedonia. Përse atëherë nuk ma kanë bërë me emrin Maqedonia e Veriut?”, - tha një qytetar. 

 

Pas 12 shkurtit letërnjoftimet dhe patentat e shoferit me emrin e vjetër të shtetit do të mund të shfrytëzohen vetëm për përdorim të brendshëm. Gjithashtu deri më 12 shkurt duhet të ndërrohen edhe targat e makinave që janë të shënuara me MK. Ngjitëset me NMK siç njofton MPB-ja do të kushtojnë maksimumi 50 denarë, ndërsa qytetarët do të mund t'i marrin në stacionet për kontroll teknik të automjeteve. Ndërkohë, ministri teknik i Punëve të Brendshme, Toshkovski, në takimin me Sindikatën e Policisë ka premtuar shpërblime për punonjësit në MPB, që do të ndihmojnë me krizën e dhënies së dokumenteve personale.

 

“Në takim, ministri Toshkovski u ka thënë përfaqësuesve të sindikatave, se secili pjesëtarë i MPB-së që do të ndihmojë që të tejkalohet kriza me dhënien e dokumenteve personale, do të shpërblehet për punën e tij.”, thonë nga MPB-ja.

 

Nga ana tjetër, LSDM-ja ka akuzuar VMRO-DPMNE-në se ka mashtruar qytetarët se do ta zgjidhin problemin me lëshimin e pasaportave. 

 

 

Përndryshe nuk ka asgjë nga paralajmërimet e autoriteteve se do të bisedojnë me Greqinë për vazhdimin e afatit. Nga Athina për MIA-n janë deklaruar se është shumë e vështirë për Greqinë, që të pranojë vazhdimin e afatit për ndërrimin e pasaportave dhe lejeve të vozitjes.