Tetovë, rritet çmimi i ujit të pijshëm

 

Në vend të 16,08 denarë për metër kub ujë, amvisëritë tani do të paguajnë 21,5 denarë për ujin e pijëshëm të konsumuar. 

 

Kreu i këshillit komunal Besar Durmishi, rritjen e çmimit e arsyeton që sipas Durmishit komisioni rregullator për energjetikë përcakton çmimin.

 

"Për çmimet e ujësjellësit pra do të ketë rritje të çmimeve ku është vendosur nga komisioni  rregullator." - tha Kryetari i Këshillit Komunal të Tetovës, Besar Durmishi. 

 

Kanë reaguar edhe nga opozita në Tetovë, Këshilltari i BDI-së, Liridon Disha, përmes një komunikate me shkrim ka theksuar  se udhëheqësia aktuale e komunës ka rritur çdo çmim ku ata vendosin.

 

"Udhëheqësia aktuale e Komunës së Tetovës në bashkëpunim me VMRO-DMPMNE dhe Alternativën votuan rritjen e çmimit të grumbullimit të mbeturinave dhe ujit të pijshëm. Kjo nënkupton se fakturat tuaja do të jenë më të shtrejnta ndërsa shërbimi do jetë i njëjtë si deri më tani, qyteti përplot me mbeturina dhe me restrikcione të ujit të pijshëm. Kjo udhëheqësi edhe njëherë e dëshmoi se nuk e meriton mbështetjen e qytetarëve për arsye se përveç rritjes së çmimit të faktuarve të shërbimeve komunale, rriti çmimet e parkingjeve, taksës komunale, vendos çmimore për pishinën e qytetit dhe rriti çmimin e ndriçimit publik." - thuhet në Komunikatën me shkrim të lëshuar nga Këshilltari i BDI-së, Liridon Disha. 

 

Përndryshe nga KRRE për vitin 2024 2025 2026 e ka çmimoren në 20.90 denarë bordi drejtues i ndërmarrjes në Tetovë ka propozuar që çmimi të jetë 21.50 denar.  Ndërkohë edhe pse NPK Tetova u nda në disa ndërmarrje, përsëri të punësuarit e NPK janë pa rroga gati tre muaj. (Visar Sadiki, TVM2)