Kili shpall gjendjen e jashtëzakonshme, 51 të vdekur si pasojë e zjarreve

Gjithashtu ka raporte për së paku 20 persona të pagjetur dhe druhet se edhe ata mund të jenë në mesin e viktimave. Zyrtarët kilianë po ashtu deklaruan se së paku 1,100 shtëpi janë shkatërruar nga zjarret. Presidenti i vendit, Gabriel Boric, ka shpallë gjendje emergjente në Valparaiso dhe rrethinë dhe është zotuar se Qeveria do të bëjë çmos për ta zbutur situatën, e cila momentalisht duket katastrofike për njërin prej rajoneve më të njohura turistike të vendit.

 

Besohet se këto janë zjarret më vdekjeprurëse, sezonale, në historinë e Kilit. Është njoftuar edhe se shumë prej viktimave nuk janë vendor, por turistë të cilët kanë vizituar rajonin për pushime. Ndërkohë, ekipet emergjente nga gati të gjitha pjesët e venit kanë arritur në Valparaiso për të tentuar të ndihmojnë në lokalizimin e zjarreve përderisa zyrtarët mjekësor kanë thënë se numri i viktimave do të mund të rritët edhe më tej gjatë 24 orëve të kaluara. Njëkohësisht autoritetet qendrore i kanë bërë thirrje të gjithë baronëve të Kilit të mos udhëtojnë drejtë rajonit Valparaiso, pasi që i tërë rajoni aktualisht është i rrezikshëm për jetë.