Gazë, forcat izraelite vazhdojnë luftimet

Qytetin jugor, ushtria e ka përshkruar si fokus të luftimeve, derisa ka bërë të ditur se ka ndaluar rreth 80 persona.

 

Sipas ushtrisë izraelite, në mesin e të ndaluarve ka persona të cilët akuzohen për pjesëmarrje në vrasjet dhe rrëmbimet e 7 tetorit në jug të Izraelit. Në përpjekje për të arritur një marrëveshje të re armëpushimi në luftën mes Izraelit dhe Hamasit, sekretari amerikan i shtetit, Antoni Blinken ka udhëtuar të hënën për në Lindjen e Mesme.

 

Ai pritet të vizitojë Arabinë Saudite, Izraelin, Egjiptin dhe Katarin gjatë turneut të tij të pestë në rajon, që kur nisi lufta.

 

Një armëpushim ishte propozuar gjatë një takimi në janar, të mbajtur në Paris, mes zyrtarëve të lartë të ShBA-së, Izraelit, Egjiptit dhe Katarit. Armëpushimi i propozuar parasheh një pauzë të luftimeve fillimisht për gjashtë javë që Hamasi të lirojë pengje në këmbim të të burgosurve palestinezë që mbahen nga Izraeli.