Mundësia për armëpushim në Gazë, Netanjahu hedh poshtë ofertën për paqe

 

“Kërkesat e Hamasit që kemi dëgjuar, jo vetëm që nuk do të çojnë në lirimin e robërve, por do t'i ftojnë ata në një tjetër masakër. Administratën qytetare në Gazë nuk mund ta realizojnë ata që e përkrahin dhe financojnë terrorin.”, - deklaroi kryeministri i Izraelit, Benjamin Netanjahu.

 

 

Por, sekretari amerikan i shtetit, Blinken, beson se një marrëveshje është ende e mundur. Përgjigja e Hamasit krijon hapësirë që ajo të arrihet, thotë Blinken. 

 

“Edhe pse ka disa qëndrime të qarta që nuk e mbështesin qëndrimin e Hamasit, megjithatë mendojmë se ai krijon hapësirë për arritjen e marrëveshjes dhe do të punojmë pa u lodhur deri sa të arrijmë.”, - theksoi sekretari amerikan i shtetit, Antoni Blinken.

 

 

Hamasi ka paralajmëruar se do të dërgojë një delegacion në Kajro, për të vazhduar negociatat për armëpushim.

 

“Nga dita e parë e publikimit të kësaj marrëveshjeje, deklaratat cioniste janë për vazhdimin e agresionit ndaj rripit të Gazës. Konfirmoj se një delegacion i lëvizjes do të udhëtojë për në Kajro për ta ndjekur këtë çështje.”, - u shpreh përfaqësuesi i Hamasit, Osama Hamdan. 

 

Ndërkohë luftimet në Rripin e Gazës, përkatësisht në Rafa vazhdojnë. OKB-ja nga ana tjetër mbetet e shqetësuar për planet izraelite.