Kush gënjen më shumë për “1 prill”, qytetaret vënë politikanët të parët në listë

Por, në “1 prill” gënjeshtrat i kemi të lejuara. Fëmijët i gëzohen “një prillit”, sepse mund të veshin maska e të hiqen si dikush tjetër, por janë të rriturit ata që në këtë ditë analizojnë gënjeshtrat e thëna në 364 ditët e tjera.

 

Ne pyetëm qytetarët se kush gënjen më shumë dhe përgjigja e njëzëshme ishte: politikanët! 

 

“Gënjejnë ata që janë në funksione, që kanë poste nëpër ministri, administratë... Ajo punë shihet haptazi se është ashtu”- u shpreh një qytetar. 

 

“Politikanët gënjejnë më shumë, sepse çdo premtim që e japin nuk e mbajnë”- tha një qytetar. 

 

“Ata që merren me politikë, ata gënjejnë më tepër, sot thonë ashtu, nesër ndryshe”- theksoi një qytetar. 

 

E kur bëhet fjalë se kush gënjen më shumë, meshkujt apo femrat, vajzat kurrë nuk pranojnë se gënjejnë, sidomos nëse pyetja u bëhet publikisht, ndërsa djemtë janë më të sinqertë.

 

“Djemtë më shumë gënjejnë, sepse femrat e kanë mentalitetin më ndryshe, ato mendojnë se çdoherë jemi ne gabim dhe kur nuk jemi gabim, duhet me gënjy se ato mendojnë ndryshe”- tha një qytetar.

 

“Kush gënjen më shumë!? Ai që është i “mirë””- theksoi një qytetar.

 

Edhe pse daton prej qindra vitesh, “1 prilli” njihet si festë gjatë së cilës e ke të lejuar të gënjesh dhe festohet edhe sot.

 

Të vegjlit e dinë shumë mirë se atij që gënjen i rritet hunda dhe kështu gënjeshtra i del në shesh. Këtë e kemi mësuar nga përralla e Pinokut.

 

Por, pinokëve të ditëve të sotme nuk iu zgjatet hunda dhe po bëhet gjithnjë e më e vështirë të dish kush të gënjen në sy e kush jo.

 

Sidoqoftë, sot gënjeshtrat kanë qenë të arsyeshme, pa marrë parasysh kush i ka thënë.