Ohër, aktivistët alarmojnë se nuk përmbushen rekomandimet e UNESCOs

 

“Në sesionin e fundit që e kishte qendra për pasuri kulturore botërore u dhanë 12 rekomandime për Maqedoninë e Veriut, të cilat qeveria duhet ti përmbush. Asnjë prej atyre 12 pikave nuk është permbushur, është bërë edhe më keq, ka ndërtime pa leje, ka urbanizim në bregun e liqenit.”, tha Nikolla Kiselinov, ekolog.

 

Ekologë thonë se dorëzohen raporte jo reale nga ana e qeverisë, ndërsa në teren situata është ndryshe.

Frikësohen se Liqeni i Ohrit mund ta humbë statusi si zonë e trashëgimisë kulturore botërore.

 

“Janë dorëzuar raporte që nuk korrespondojnë me gjendjen reale. Për këto situata reagojmë vetëm ne qytetarët, të organizuar përmes organizatave të shoqërisë civile, por askush nuk na dëgjon, të gjithë dëgjojnë komisionin kombëtar të UNESCO-s, Ministrinë e Kulturës, Ministrinë e Mjedisit, dhe situate reale në terren po përkeqësohet dita-ditës.”, tha Kiselinov.

 

Në Konferencën e UNESCO-s në Paris në fund të vitit të kaluar, përfundimi i Komitetit ishte se ishte bërë përparim i kufizuar në drejtim të zbatimit të rekomandimeve. Pas inspektimit të kushteve të rajonit të Ohrit, ekspertët e UNESCO-s duhet të vendosin nëse rajoni i Ohrit do të përfshihet në listën e trashëgimisë botërore të rrezikuar.