Pika kufitare Tabanovc, prej ditës së sotme nuk vlejnë pasaportat me emrin e vjetër

 

Qytetarët e Maqedonisë  jashtë vendit që kanë dokumente të vjetra udhëtimi, do të mund të kthehen në vend me fletë  udhëtimi të lëshuar në përfaqësitë diplomatike-konsullore. 

 

Ndryshe nga pasaportat, letërnjoftimet do të jenë të vlefshme, por vetëm në territorin e vendit tonë. 

 

Qytetarët me dokumente të vjetra udhëtimi të mos tentojnë fare të largohen nga vendi, apelojnë nga MPB-ja. 

 

"Ata me shtetësi të dyfishtë do të mund të përdorin pa problem dokumentet e vendeve të tjera. Për ato vende me të cilat kemi marrëveshje dypalëshe për udhëtim me letërnjoftime, qytetarët nuk do të kthehen nga punonjësit tanë të policisë kufitare nëse i kanë kartat e tyre të vjetra të identitetit, por ne nuk garantojmë se do të pranohen nga shtetet e  tjera", thonë nga MPB-ja.