Problemi me dokumentet e udhëtimit, prioritet për personat me probleme shëndetësore

 

“Ka raste kur një pjesë e madhe prej qytetarëve nuk mund të ballafaqohen me çështjen e vizave, sepse ato ngelen në dokumentin e vjetër të udhëtimit, që sipas ligjit është jo valide.”, - theksoi Dime Velev nga Shoqata e Diabetikëve.

 

Fondi i Sigurimit Shëndetësor ka kontaktuar Ministrinë e Brendshme. Ky dikaster me përgjigje se po shqyrtojnë këto probleme të pacientëve. Për fat të keq, ata janë përgjegjës vetëm për përcaktimin e nevojës reale për trajtimin e pacientëve, megjithatë ata duan të ndihmojnë të siguruarit e tyre, thonë nga fondi shëndetësor.

 

“Fondi si institucion me përgjegjësi shoqërore që kujdeset  për të siguruarit e saj, gjatë ditës së sotme është drejtuar deri tek Ministria e Punëve të Brendshme, me qëllim që t’u japë prioritet dhënies së dokumenteve të udhëtimit  personave që për shkak të gjendjes së tyre shëndetësore duhet të udhëtojnë jashtë shtetit.”, - u shpreh Irfan Limani  nga Fondi Shëndetësor. 

 

Shoqata e diabetikëve thotë se qytetarët të cilët kanë probleme urgjente shëndetësore shpresojnë se MPB-ja do t’i vendosë në pozitë prioritare për nxjerrjen e dokumenteve të reja me emrin kushtetues të vendit.