Maqedoni
Kolla e mirë, Demiri apelon për vaksinim të fëmijëve
15.02.2024 15:57
Deri tani në vend janë regjistruar gjithsej 34 persona të prekur nga kolla e mirë...
Deri tani në vend janë regjistruar gjithsej 34 persona të prekur nga kolla e mirë, tha ministri i Shëndetësisë, Ilir Demiri.
Ai theksoi se rasti i parë i kollës së mirë u raportua më 5 janar, ndërsa Qendra e Shëndetit Publik në Shkup më 8 shkurt shpalli epidemi në nivel të qytetit të Shkupit, pas rekomandimit të Komisionit për Sëmundje Infektive. Apelon te prindërit që t’i vaksinojnë sa më parë fëmijët e tyre.
“Apeloj prindërit që të vaksinojnë fëmijët e tyre, sidomos ata prindër që kanë fëmijë të vegjël, sepse vaksina është arritja më e madhe e sistemit shëndetësor. Ata prindër që nuk i vaksinojnë fëmijët dhe nuk i dërgojnë në kopsht, pyesni se si e organizojnë kujdesin ndaj fëmijëve të tyre.”, - deklaroi ministri teknik i Shëndetësisë, Ilir Demiri.
Ministri Demiri, i cili ditë më parë u emërua në këtë detyrë, inkurajon ekspertët e shëndetësisë që të angazhohen bashkërisht për të arritur rezultate pozitive.
VLORA LATIFI TOPOJANI