Kandidaturat për president, Taravari, kandidat i opozitës shqiptare, Partitë tjera ende me përllogaritje

 

 

“Me propozim të kryesisë së Aleancës për Shqiptarët dhe mbështetjen e Lëvizjes Evropiane për Ndryshim, sot para jush prezantohem si kandidat për president të vendit. Është privilegj të kem besimin e kaq shumë faktorëve, është përgjegjësi të jem i zgjedhur dhe i besuari i tyre. Është mision të jemi zëri i juaj. Ne kemi mundësinë që diversitetin e vendit tonë ta shndërrojmë në artin e bashkëjetesës dhe harmonisë. Me respekt reciprok do të mund të kthehemi në ëndrrën që të gjithë të mund ta kemi dhe ta realizojmë. Pres me respekt votën e çdonjërit prej jush.”, - deklaroi kandidati i opozitës shqiptare për president, Arben Taravari.

 

Ndërkohë nga BDI-ja ende pa vendim zyrtar nëse në zgjedhjet presidenciale ky subjekt politik do të dalë me kandidatin e vet apo do të mbështesë kandidat të ndonjë partie tjetër. Ndërkohë nga Lidhja Social Demokrate thonë se emri i kandidatit të tyre për president do ta bëhet i njohur këto ditë.

 

Kandidaturat është duke i shqyrtuar edhe VMRO DPMNE-ja e opozitës, por pa saktësuar emra konkretë. Kandidatin e saj  për zgjedhje presidenciale e ka promovuar  partia e Majta, konkretisht profesoreshën, Biljana Vankovska. Sipas përllogaritjeve  të KShZ-së, 20 marsi është afati i fundit për zyrtarizimin e kandidaturave për president, pra 35 ditë para mbajtjeve të zgjedhjeve presidenciale.