Konferenca e sigurisë në Mynih, Xhaferi, Pendarovski e Osmani, atje

 

 

“Roli i ShBA-së  në kontekst të asaj çka është siguria botërore dhe rregullimi botëror është një nga tema që po ashtu do të trajtohet dhe duke pasur  parasysh faktin se në të shumtën e vendeve në botë është vit zgjedhor  dhe rreth 2 miliardë popullsi e botës do të jetë e përfshirë në proceset zgjedhore, në fokus të trajtimit gjithsesi edhe sigurimi i parakushteve për zgjedhje demokratike nga çka do të burojnë institucionet e reja të vendeve përkatëse.”, - deklaroi kryeministri, Talat Xhaferi.

 

 

Kryeministri Xhaferi, bashkë me ministrin Osmani, në  konsullatën e RMV-së në Mynih për të parë për së afërmi rrjedhën me nxjerrjen e dokumenteve të udhëtimit me emrin e ri kushtetues. Osmani i kënaqur me angazhimin maksimal të nëpunësve konsullor, për t’u ardhur në ndihmë diasporës në marrjen e dokumenteve të reja.

 

“Ajo çfarë është më e rëndësishmja, deri para disa muajve, është pritur mesatarisht nëntë muaj, nga fotografimi deri te marrja e pasaportës. Tash kemi situatë ku  njerëzit të cilët janë fotografuar  më 26 janar, sot t’i kenë pasaportat me emrin e ri kushtetues.”, - theksoi ministri i Jashtëm, Bujar Osmani. 

 

Në suaza të konferencës për siguri në Gjermani, delegacioni  ynë shtetëror do të jetë pjesëmarrës në debate dhe panele të ndryshme, ku do të adresohen zgjidhjet e mundshme për sfidat që diktohen nga zhvillimet e hovshme botërore.