ASh e Selës e shkarkoi Taravarin, Sela: Jam kryetar legjitim dhe moral i ASh-së

 

“Kemi qenë të detyruar që si strukturë partiake të ecim në këto hapa për shkak të izolimit të kryetarit të partisë nga organet e partisë, duke u nisur nga kryesia qendrore, nga kuvendi qendror dhe sot në këtë kongres të jashtëzakonshëm, të thirrur sipas çdo norme statutare, kongresi vendosi që të vendoj para përgjegjësisë tani më ish-kryetarin e partisë dhe me votë unanime nga të pranishmit u votua që të shkarkohet kryetari i partisë Arben Taravari.”, u shpreh Sela. 

  

Sela tha se legjitimitetin kryetari i partisë e fiton nga anëtarësia, kurse kongresi i përbërë nga 591 delegatë është dëshmia më e madhe për këtë. 

 

“Kryetar legjitim i Aleancës për Shqiptarët ëshhtë ai që kanë vendos delegatët sot dhe unë jam kryetar i Aleancës për Shqiptarët, unë jam themelues i këtij subjekti politik bashkë me aktivistët dhe nuk e di kush a ka të drejtën morale ta kontestojë këtë gjë, morale them, ndërsa në aspektin legal do të vendosin gjykatat.”, tha Sela.

 

Përndryshe të premten në Shkup, krahu i Aleancës për Shqiptarët i udhëhequr nga Arben Taravari mbajti një kongres dhe ai u rizgjodh kryetar i partisë. Ndarja në parti filloi pasi Taravari deklaroi se do të mbështesë opozitën shqiptare në zgjedhje dhe Sela tha se partia nuk është konsultuar për një gjë tillë.