Kolla e keqe, Mjekët: Të vaksinohen fëmijët

 

“Obligimi ynë është që ne ta kërkojmë kartelën e vaksinimit dhe ta marrim atë që të mund ta regjistrojmë fëmijën në klasën e parë. Prindërit nëse nuk duan t’i vaksinojnë fëmijët ose kanë ndonjë arsye të caktuar besoj se duhet të sjellin vërtetim nga mjeku se fëmija i tyre nuk duhet të jetë i vaksinuar.”, - theksoi drejtoresha e Sh.F. "Kiril dhe Metodi", Sonja Kirkova.

 

Më shumë se 10 ditë qendra e shëndetit publik ka shpallur epidemik të kollës së keqe në territorin e Shkupit. Përfshirja e dobët e imunizimit është arsyeja kryesore e paraqitjes së sëmundjes thonë epidemiologët. 

 

“Kolla e keqe fillimisht është shfaqur nga vendet perëndimore. Kishte epidemi të madhe në Danimarkë, pastaj u përhap edhe në vendet e tjera. Para sjelljes së vaksinës kishte nga 5 mijë raste me kollën e keqe, në vend kishte edhe raste që përfundonin me fatalitet, megjithatë me sjelljen  e vaksinës është ulur numri i rasteve. Gjatë 20 viteve të fundit regjistrojmë vetëm raste sporadike të kollës së keqe, ndërsa rasti i fundit që ka përfunduar me vdekje është regjistruar në vitin 2001.”, - u shpreh Kristina Stavridis nga IShP.

 

Në kryeqendër më shumë se 4 mijë fëmijë nuk janë të imunizuar kundër kollës së keqe, por numri mund të jetë edhe më i lartë, për shkak se shërbimet nga Karposhi, Kisella Voda dhe qendra nuk kanë dorëzuar të dhëna për të pavaksinuarit. Nga fillimi i vitit në Shkup janë të regjistruar më shumë se 40 fëmijë me kollën e keqe, prej tyre ka edhe të vaksinuar e disa janë të hospitalizuar.