Dalja e të rinjve gjatë natës, “Hops”: Argëtim me alkool dhe substanca narkotike

 

“Substanca më e përdorur psikoaktive në mesin e të rinjve është alkooli, ku 44,5% nga numri i përgjithshëm i të anketuarve ose 90% prej të anketuarve, të cilët janë shprehur se kanë përdorur muajin e fundit këto substanca, kanë thënë se më shumti kanë përdorur alkoolin gjatë daljeve të tyre të natës. Kanabisin e kanë përdorur 35,3% nga numri i përgjithshëm i të anketuarve ose 71% e të anketuarve, të cilët kanë përdorur gjatë muajit të  fundit. Kokainën e kanë përdorur 24% e të anketuarve të përgjithshëm ose 49,5% prej të anketuarve të rinj, të cilët kanë konsumuar gjatë muajit të fundit. MDA, respektivisht ekstazën e kanë përdorur 21% e të anketuarve nga numri i përgjithshëm ose 42,3 % e të anketuarve të rinj, të cilët janë shprehur se kanë konsumuar gjatë muajit të fundit.”, - deklaroi Vllatko Dekov nga OJQ “Hops”.

 

Në këtë anketë të rinjtë e kanë vlerësuar sigurinë e tyre gjatë mbrëmjeve të natës me notë 3. Sipas rezultateve të kësaj ankete, 66,4% e të rinjve janë shprehur se kanë pasur shembull jo të mirë gjatë mbrëmjeve të tyre të natës. Prej tyre 70% kanë thënë se kanë pasur  çaste të pakëndshme me vizitues të tjerë në lokalin ku ata kanë shkuar për t’u argëtuar, 50% me policinë, ndërsa 41,7% me sigurimin e vendit të lokalit ku ata ndodheshin. Hulumtimi i të rinjve është realizuar onlajn, në kohëzgjatje prej një jave dhe në të janë përfshirë gjithsej 119 të rinj prej  moshës 18 deri në moshën 35 vjeçare. Prej tyre, 57% kanë qenë femra, 39,5% djem dhe dy persona transeksual.