Anketë e studentëve të juridikut, 69% e qytetarëve nuk i besojnë gjyqësorit

 

“Është konstatuar se në bazë të thirrjes së studimeve në besueshmërinë në institucione do të shohim se mbi 138 anketues ose 69% nuk i besojnë institucioneve. Dhe ku e kanë mbështetur besueshmërinë se edhe në ato raste ku ka pasur institucione të dhunës, institucionet nuk kanë marrë masa. Dhe, prandaj motoja jonë e përbashkët është: “Ndal dhunën. Denonco dhunën. Jepi jetë jetës.”. Denoncimi i dhunës në kohë dhe momentin e duhur do të minimizojë që të përhapet dhuna. Por, fatkeqësisht është konstatuar këtu se institucionet janë autorë të dhunës në familje, për arsye se nuk marrin masa.”, - deklaroi profesori universitar, Bashkim Selmani.

 

Sipas Selmanit, edhe rrjetet sociale dhe përdorimi i tyre ka ndikuar në rritjen e dhunës në familje.

 

“Në shumicën e rasteve, prindërit që u kanë blerë telefona fëmijëve ku 20% e prindërve nuk i lejon t’i përdorin dhe këtu lind grindja. Po ashtu edhe zënka e çifteve bashkëshortore ku gjithmonë gjinia femërore pretendon për të kontrolluar mesazhet dhe telefonin burrit ose bashkëshortit, që do të thotë edhe çifte bashkëshortore edhe raport prindër-fëmijë është shumë i rrezikuar nga këto raporte që iniciohen.”, - theksoi profesori universitar, Bashkim Selmani. 

 

Përndryshe, në rajonin e Pollogut, 168 raste kanë denoncuar dhunën, prej tyre asnjë nuk ka vendim gjyqësor që është shqiptuar masa e sanksionimit.