OBSh: Nevojitet armëpushim i menjëhershëm

“Pengjet  duhet të lirohen, bombat duhet të ndalojnë së rëni dhe aksesi në ndihma humanitare duhet të jetë e lirë.”, tha drejtori i Përgjithshëm i Organizatës Botërore të Shëndetësisë, Tedros Adhanom Gebrejesus. 

 

Pacientët kritikë po evakuohen nga spitali jofunksional “Naser” në Kan Junis. Britania dhe Jordania hodhën tonelata ilaçe, karburant dhe ushqim nga aeroplanët. Tel Avivi  tha se para operacionit në qytetin kufitar, civilët do të evakuohen. Por, Parlamenti izraelit hodhi poshtë dje njohjen e njëanshme të shtetit palestinez. Në të njëjtën kohë, në Parlamentin Britanik po zhvillohej një votim kaotik për armëpushimin e Gazës.

 

Disa deputetë u larguan nga Parlamenti në shenjë proteste pas vendimit të kryeparlamentarit për të injoruar precedentin dhe lejuar një votim, duke ndihmuar Partinë Laburiste të opozitës të shmangte një revoltë në shkallë të gjerë midis deputetëve të saj mbi pozicionin e saj për luftën midis Izraelit dhe Hamasit.