Maqedoni

Gara për president të shtetit, Taravari prezanton synimet e tij

22.02.2024 11:27

Kandidati presidencial i Koalicionit “Vlen”, Arben Taravari, në një konferencë të jashtëzakonshme njoftoi se platforma...

Kandidati presidencial i Koalicionit “Vlen”,  Arben Taravari, në një konferencë të jashtëzakonshme njoftoi se platforma e tij presidenciale do të ndërtohet mbi forcimin e demokracisë konsensuale. Ai dhe partnerët e tij synojnë që hapja e ardhshme e Kushtetutës të përfshijë tre elemente:  përfshirja e bullgarëve dhe pakicave të tjera në Kushtetutë; heqja e 20 përqindëshit që përcakton gjuhën shqipe, si dhe  zgjedhja e presidentit  të bëhet në Parlament, e jo në zgjedhje.

 
“Unë i kam hyrë kësaj gare me qëllime më të mëdha. Qëllimi im dhe i partnerëve është i dyfishtë:
 
Synojmë që për herë të parë kandidati shiptar të shkojë në raundin e dytë të
 zgjedhjeve presidenciale.
 
Duam të hapim debatin e madh rreth vendit të presidentit në sistemin tonë politik.
 
Siç dihet, Maqedonia e Veriut është republikë parlamentare e jo republikë presidenciale apo gjysëm-presidenciale. Veç kësaj, i tërë sistemi ynë politik dhe kushtetues është i ndërtuar mbi modelin e demokracisë kosensuale midis dy kombësive më të mëdha, dhe kjo është sanksionuar me futjen e Marrëveshjes së Ohrit në Kushtetutë.
 
Andaj, platforma ime presidenciale do të ndërtohet pikërisht rreth forcimit të demokracisë konsensuale, në linjën e mendimit të Arbën Xhaferit. Unë dhe partnerët synojmë që hapja e ardhshme e kushtetutës të përfshijë tre elemente:
 
Futjen e bullgarëve dhe pakicave tjera në Kushtetutë
Heqjen e 20 përqindëshit që definon gjuhën shqipe
Zgjedhjen e presidentit ta bëjmë në Kuvend e jo më përmes zgjedhjeve
Ky është një lajm i madh! Në këtë mënyrë, në të ardhmen, forcat politike që përfaqësojnë dy kombësitë më të mëdha do të vendosin bashkë në Kuvend për shpërndarjen e tre posteve më të larta shtetërore.
 
Ftoj shiptarët dhe BDI-në, e cila akoma hamendësohet kë do ta kandidojë dhe e cila në të kaluarën ka mbështetur edhe kandidat maqedonas për president duke u thirrur në konsensualizëm që të mbështesë vizioni tim dhe kandidaturën time.
 
Tash e kemi mundësinë që së bashku të forcojme demokracinë konsensuale në mënyrë kushtetuese. Tash mund të sigurojmë njëri nga tre postet kryesore shtetërore automatizëm t’u takojë shiptarëve, si kombi i dytë shumicë në Maqedoni.”, u shpreh kandidati për president nga Koalicioni VLEN, Arben Taravari.