Lufta Izrael – Hamas, thirrje për një marrëveshje mes palëve

 

"Nëse Hamasi tërhiqet nga iluzionet e tij dhe zbret në tokë, atëherë ne do të kemi përparimin që të gjithë e duam. Ndryshe, pasi të fillojmë operacionin në Rafah, jemi vetëm disa javë larg fitores.”, - deklaroi kryeministri i Izraelit, Benjamin Netanjahu. 

 

Netanjahu prezantoi planin për evakuimin e civilëve nga Rafah. ShBA-ja me qëndrimin e qartë, njerëzit duhet të mbrojnë veten.

 

"Ne kemi qenë të qartë se nuk duhet të vazhdojë operacioni i madh ushtarak në Rafah nëse nuk ekziston një plan i qartë dhe i zbatueshëm për të mbrojtur civilët,". – theksoi këshilltari për Sigurinë Kombëtare të ShBA-së, Xhejk Sullivan. 

 

OKB-ja alarmon për gjendjen humanitare në Gazë, kërkojnë ndërprerjen e luftimeve dhe dorëzimin e pengjeve. 

 

“Rafah është thelbi i operacionit të ndihmës humanitare. Një ofensivë gjithëpërfshirëse izraelite në qytet jo vetëm që do të ishte e tmerrshme për mbi një milion civilë, por gjithashtu do të vendoste gozhdën e fundit në arkivol.”, - u shpreh sekretari i përgjithshëm i OKB-së, Antonio Guteres. 

 

Luftimet në Rripin e Gazës vazhdojnë. Po intensifikohet edhe ofensiva në veri, ku ndihmat nuk kanë mbërritur për një muaj të tërë.

 

“Unë nuk mund t'i ushqej fëmijët e mi. Pa oriz, pa ushqim. Çfarë bëmë ne për ta merituar këtë?”, - tha qytetari palestinez, Naim Abuseido. 

 

“Ne i kërkojmë botës të gjejë një zgjidhje. Ne po vdesim nga uria.”, - u shpreh qytetari palestinez, Abo Mohamad. 

 

Qeveria izraelite njoftoi se armëpushimi i përkohshëm në Gazë nuk do të ndikojë në luftën për largimin e Hezbollahut nga kufiri me Libanin. 

 

Nga ana tjetër, Mbreti i Jordanisë ka paralajmëruar për kërcënimin e një konflikti më të gjerë nëse Izraeli vazhdon sulmet e tij gjatë Ramazanit. 

 

Ndërkohë, kryeministri palestinez dha dorëheqjen për shkak të presionit të ShBA-së në Gazën e pasluftës për të riorganizuar autoritetin palestinez. 

 

Ai dëshiron të ndërtojë një konsensus të gjerë mbi marrëveshjet politike të pasluftës. (Belinda Koka - Ademi, TVM2)