Izraeli dhe Hamasi pranë një marrëveshjeje armëpushimi

 

 

"Shpresojmë që në fillim të fundjavës apo më mirë po e them deri në fundjavë, do të kemi një armëpushim.”, - deklaroi presidenti i Shteteve të Bashkuara, Xho Bajden.

 

Ushtria izraelite ka publikuar pamjet e një, siç thotë, tuneli nëntokësor 10 metra, që lidh Rripin verior dhe jugor të Gazës. Më herët, mbrojtja tha se forcat ajrore goditën objektivat e Hezbollahut në Liban.

 

“Nëse ka dikush këtu që mendon se kur të arrijmë një marrëveshje për lirimin e pengjeve, zjarri do të ndalet dhe gjërat do të bëhen më të lehta, atëherë ata e kanë gabim. Ne do të vazhdojmë sulmet tona pavarësisht se çfarë ndodh në jug derisa të arrijmë objektivat tona. Qëllimi është i thjeshtë – të tërheqë Hezbollahun aty ku duhet. Ose me marrëveshje, ose do ta bëjmë me forcë.”, - theksoi ministri i Mbrojtjes i Izraelit, Joav Galant.

 

Kombet e Bashkuara thonë se janë të gatshme të mbështesin përpjekjet për të kapërcyer sfidat me të cilat përballet populli palestinez në Gazë pas lajmeve se kryeministri palestinez ka dhënë dorëheqjen.

 

“Kombet e Bashkuara janë të gatshme të mbështesin përpjekjet që synojnë tejkalimin e sfidave humanitare, politike, financiare dhe të sigurisë me të cilat përballet populli palestinez. Një qeveri palestineze e forcuar dhe e fuqizuar, e aftë për të qeverisur të gjithë territorin e pushtuar palestinez, është kritike për krijimin e një shteti palestinez plotësisht të pavarur demokratik, sovran dhe të qëndrueshëm.", - u shpreh zëdhënësi i OKB-së, Stefan Dujarriq. 

 

Ofensiva e Izraelit në Rripin e Gazës filloi më 7 tetor pas një akti terrorist kundër civilëve nga Hamasi.