Kryeministri Rama dhe presidenti Zelenski firmosin traktatin e miqësisë mes dy vendeve

 

Ceremonia e firmosjes së traktatit erdhi pas takimit kokë më kokë të kreut të Qeverisë me presidentin ukrainas në kryeministri. 

 

Para nënshkrimit të traktatit, Volodimir Zelenski i akordoi Edi Ramës urdhrin “Princi Jaroslav i Urti”. 

 

“Në vendimin e presidentit të Ukrainës për kontribut të jashtëzakonshëm personal, gjithashtu edhe për mbështetje i dorëzohet “Princi Jaroslav i Urti”, kryeministrit Edi Rama nga presidenti Zelenski.”, u tha gjatë ceremonisë sè vlerësimit. 

 

Nga ky samit, parashihet t’i bëhet thirrje komunitetit ndërkombëtar që ta rrisë fuqishëm mbështetjen për Ukrainën, si dhe të diskutohet ndihma konkrete e shteteve të EJL-së për Ukrainën.

 

Në këtë samit, Kosovën do ta përfaqësojë presidentja e vendit, Vjosa Osmani. Prezent në Samit pritet të jetë edhe presidenti serb, Aleksandar Vuçiq, presidenti i RMV-së, Stevo Pendarovski dhe kryeministri kroat, Adrej Plenkoviq. 

 

Pjesë e takimit përmes teknologjisë ishte edhe presidenti turk, Rexhep Taip Erdogan.