Epidemia e kollës së mirë arrin kulmin e saj

Numri i të sëmurëve nga kolla e mirë në Shkup ka tejkaluar shifrën prej 100 rastesh.  Sipas të dhënave të Qendrës për shëndet publik, pothuajse gjysma janë raportuar në 5 ditët e fundit.

Institucionet kompetente vazhdojnë të  potencojnë  se në kopshte pranohen vetëm fëmijët e vaksinuar. Ministria e Punës dhe Politikës Sociale kërkon që kopshtet të respektojnë legjislativen juridike që të mos regjistrojnë fëmijët pa kartë  vaksinimi apo me kartë vaksinimi të paplotë. 

Nga të dhënat e kontrolleve të kryera rezulton se nuk ka shkelje të këtij vendimi.

“Inspektorët veç më  janë në terren, morëm procesverbale ku nuk është vendosur asnjë masë për shkeljen e vendimit për mospranimin e fëmijëve pa kartë vaksinimi. Nuk ka vërejtje  as për fëmijët  e pa vaksinuar.”, - deklaroi ministri i Punës dhe Politikës Sociale, Gjoko Vellkovski.

Mungojnë të dhënat se sa fëmijë janë vaksinuar, kopshtet pranojnë vetëm fëmijët e vaksinuar

Gjatë kësaj periudhe, vaksinimi kundër kollës së mirë po intensifikohet tek fëmijët e moshës parashkollorë që frekuentojnë kopshtin, por Ministria e Shëndetësisë nuk ka informacion se sa fëmijë janë vaksinuar. Nga kopshtet thonë se tani për tani pranimi i këtyre fëmijëve varet nga ndërgjegjja e prindërve.

“Sipas udhëzimeve të Ministrisë për Punë dhe Politikë Sociale, ne inspektuam gjendjen momentale në kopshte, sa i përket statusit vaksinal të çdo fëmije në dosjen e   tij. Kemi fëmijë që nuk janë rivaksinuar, por prindërit janë të ndërgjegjshëm dhe për momentin nuk i dërgojnë në kopsht.”, - theksoi drejtoresha e kopshtit “25 Maji”, Marina Arsova.

Javën e ardhshme do të dihet se a do të rekomandohen masa të tjera përveç vaksinimit dhe pranimit në kopsht, thonë nga KSI.  Nuk përjashtohet edhe shpallja e epidemisë së kollës së mirë në të gjithë territorin e vendit. (Flutura Latifi, TVM2)