Sulmi i autokolonës humanitare në Gazë, KB: Të ketë hetim të shpejtë dhe të pavarur

 

“Ne vazhdojmë të ritheksojmë se jetët e civilëve duhet të mbrohen. Shtëpia e Bardhë është në kontakt me qeverinë e Izraelit dhe po i kërkon atyre që të hetojnë menjëherë atë që ka ndodhur.”, tha gjeneralmajori Pat Rajder.  

 

Edhe Kombet e Bashkuara dënojnë sulmin dhe bëjnë thirrje për një hetim të shpejtë dhe të pavarur. 

 

Në një takim urgjent të Këshillit të Sigurimit, Shtetet e Bashkuara bllokuan një deklaratë të propozuar nga Algjeria dhe të mbështetur nga vendet arabe që mbanin Tel Avivin përgjegjës për hapjen e zjarrit ndaj palestinezëve që prisnin dërgesat e ndihmave.  

 

Ndërkohë zëdhënës i Forcave të Mbrojtjes izraelite, Daniel Hagari, tha se asnjë sulm izraelit nuk u nis kundër kolonës së ndihmave humanitare. 

 

Përkundrazi sipas tij,  forcat e Mbrojtjes të Izraelit ishin atje duke kryer një operacion humanitar për të siguruar korridorin humanitar.