70 vjetori i gazetës “Flaka e Vëllazërimit”

Ndonëse kanë kaluar 70 vjet prej themelimit të kësaj gazete dhe mbi 10 vjet nga shuarja e saj, akush nuk mund ti mohoj arritjet dhe punën  e kësaj gazete e cila ndër vite ka qenë faktor i rëndësishëm në procesin e arsimimit, kulturës dhe informimit të  shqiptarëve, thekësuan historianët në përvjetorin  e kushtuar të gazetës “Flaka e Vëllazërimit”

“Roli i gazetës “Flaka” për çështjen shqiptare në Maqedoni ka qenë i jashtëzakonshëm  për shkak se ka bërë ngritjen e vedijes qytetare dhe ka ushqyer gjenerata të tëra që ata të jenë bartës të proçeseve në Maqedoni” – tha drejtori i ITSHKSH-së, Skender Hasani.

“Nuk duhet të mohohet roli pozitiv që ka luajtur gazeta në informimin e gjuhës shqipe. Ndër vite qindra gazetar në mesin e tyre dhe emra të shquar të letërsisë shqipe me shumë përkushtim dhe guxim profesional kanë trajtuar çështje  etike për lexuesin shqiptarë” – tha kryetari i SHGM-së, Naser Selmani.

Ish kryeredaktorët e “Flakës” thekësuan lartë rolin dhe punën e tyre në atë kohë dhe përkujtuan momentet e vështira nga  shuarja e gazetës dhe presioneve që kanë patur ndër vite.Ata njëzëri konstatuan se sfida e ardhshme  është ringjalljen e gazetës  “Flaka”.

“Flaka”pasqyronte të gjitha lëmit e zhvillimit shoqëror, politik, kulturor dhe artistik ajo ishte gazeta e vetme për shqiptarët e Maqedonisë në atë” – tha ish kryeredaktor i gazetës “Flaka”, Fejzi  Bojku.

“Vërtet ne e përjetojmë shumë thellë për arsye se në njëjtën kohë edhe përvjetorin e varrimit  të flakës këtu e ndjejm. ”Flaka” ka qenë abetare dhe universitet për shqiptarët e Maqedonisë që nga 1945 deri në shuajtjen e saj” – tha ish kryeredaktor i  gazetës “Flaka”, Faik Mustafa.

“Këtu  mendoj se duhet të përqendrohemi në atë se si mund të riaktivizojmë dhe ringjallim “Flakën” dhe të vazdhojmë misionin e saj të rëndësishëm që ka pas në mesin e shqiptarëve” - ish kryeredaktor i  gazetës “Flaka”, Abdylhadi  Zylfiqari. 

Një pjesë e botimeve të gazetës “Flaka e Vëllazërimit” mungojnë në arkivin e shtetit, si përshebull numrin e parë dhe i  dytë i kësaj gazete. Historianët thonë, është e nevojshme digjitalizimi i arkivës së mbetur të gazetes.

“Intenca jonë është  që të bëjmë të degjitalizimin egazetës në mënyrë që të ruhet kjo trashëgimi e pasur kulturore historike si shtyp shqiptare këtu në Maqedoni” – tha historiani, Sevdail Demiri.

Shoqata e Gazetarëve  të  Maqedonisë i ndau mirënjohje  post mortum, familjarëve të Petro Janurës  kryeredaktor i parë i gazetes “Flaka”. Ndërkohë nuk duhet haruar se redaksia e kësaj gazete prej vitit  1964 ka filluar edhe me botimin e librave shqipe. Në kuadër të gazetës “Flaka” funksiononin dhe revistat “Fatosi”, “Gëzimi” dhe “Jehona”. (Rexhep Qamili, TVM2)