Zgjedhjet presidenciale, konfirmohen shtatë kandidat për president të shtetit

 

LSDM dje informoi se në kohë rekord, për më pak se pesë orë, janë mbledhur 10.000 nënshkrime të qytetarëve në mbështetje të kandidaturës për mandatin e dytë të Stevo Pendarovski.

 

EdheVMRO-ja opozitare njoftoi se janë mbledhur 12.000 nënshkrime për kandidaten e tyre presidenciale Gordana Siljanovska-Davkova, për të cilën pardje mbajtën konventë mbështetëse.

 

10.000 nënshkrimet e nevojshme deri më tani i kanë siguruar lideri i “ZNAM” Maksim Dimitrievski, ministri aktual i Punëve të Jashtme, Bujar Osmani kandidat i BDI-së, Arben Taravari kandidat i partive opozitare shqiptare në koalicionin “VLEN”, kryetari i GROM-it Stevçe Jakimovski dhe Biljana Vankovska kandidate e “Të majtës” . 

 

Sipas Komisionit Shtetëror të Zgjedhjeve, nga dje në ora 20:00, Mersiha Smailoviq, e cila mbështetet nga Bashkimi Demokratik Boshnjak, ka 1.411 nënshkrime, Vello Markovski si kandidat i pavarur ka 1.402 nënshkrime, z. Poposki nga Vevçani ka siguruar mbështetjen e 109 qytetarëve, kandidatja e pavarur e mbështetur nga DESNA, Zorica Cvetkovska ka mbledhur gjithsej 195, kandidati i pavarur Gjorgi Manaskov ka marrë mbështetjen e 414 qytetarëve. 

 

Me 0 nënshkrime mbetet Tome Nikoloski, i cili vetë ka bërë të ditur se tërhiqet nga gara. 

 

Afati për mbledhjen e nënshkrimeve përfundon  më 8 mars në mesnatë.